KAN TRANSPOR ANPANN

Kan lezel kase ek elis anpann
Marsandiz gayar vit-vit vinn bien rann;
Avion-kargo pa kapav desir ler;
Bato-kargo pa kapav fouy lamer.
Diri ek dible boude dan grenie;
Tisert par balo res dan latelie;
Vit-vit letazer dan bann magazen
Get kliyan kouma bann zako sagren.

Bann pie friyapen ti gayar lontan;
Pie maniok ek may ti mari frengan;
Gardmanze lokal ti nouri zanfan
Avan ki roupi desid otreman.

Aster oblize fer kouma avan.
Letansa zanfan finn tas dan koutvan.

25.10.21

Leave a Reply

Your email address will not be published.

This site uses Akismet to reduce spam. Learn how your comment data is processed.