MAURITIAN, THE NATIONAL LANGUAGE OF THE MARITIME REPUBLIC OF MAURITIUS; CREATIVE WRITING; TRANSLATION OF LAY AND RELIGIOUS LITERATURE; IMPORTANT ISSUES (global burning, climate crisis, politics, education, nation building etc.) [mersi Google pou zimaz.]
Enn nouvo mo, ‘konfinnman’,
Finn rant dan anvironnman.
Tou dimoun pe servi li
Bien souvan bonavini.
Konfinnman nouvo dimal?
Fizik wi me pa mantal.
Innyorans ek prezize
Toultan gard nou konfine.
Nou pa konn kominike,
Exprim nou avek klarte.
Nou finn perdi so lakle.
Lakle la ena trwa let:
L, A, R trwa alfabet
Pou fer mazik dan latet.
24.09.21
Boukou-boukou kwar
San pour san boner,
San pour san maler,
San pour san malen,
San pour san malsen
Samem so kanbar.
San pour san, vre sa?
San pour san, fos sa?
Lisifer mesan
Ti entelizan;
Hitler Gran Zanfout
Ti donn lotorout;
Zezi lor lakrwa
Ti perdi lafwa.
23.09.21