Joshua fought the battle of Jericho
And the walls came tumbling down.

Mo anset ti plak lame lapentir
Lor parwa lakav pou dir lavenir
Pa bliye, zanfan, mo’si mo ti la,
Pe tras sime zeping pou vinn tous twa.
Lar li swa angaze ousa li pa.

Mikelanz lor plafon Sistinn dir twa
Fer zefor, zanfan, pou ki to ledwa
Tous ledwa Bondie – samem paradi;
Pa les bachara deklar Zezikri.
Lar li swa angaze ousa li pa.

Ton Pablo Pikaso pa ti dir twa,
Dan Gernika, napa les bann fatra
Toro kraz seki seval finn kree
Pou biennet limanite anantie?
Lar li swa angaze ousa li pa.

Zordi ki nou trouve partou kote?
Lanez Kilimannjaro vinn dilo;
Lapli pe tonbe lor lanez Polnor;
Lamer demonte pe aval laplaz.
Lar li swa angaze ousa li pa.

Enn sans Ratna la pou dir bann fatra
Aret touy zanfan Bondie; fer mofinn
Vinn mexinn pou anpes nou ledwa
Tous ledwa Bondie lor plafon Sistinn.
Lar li swa angaze ousa li pa.

15.09.21

 

Kan mo ler finn vini,
Pa kapav rod tini,
Pa bizen sanbrani,
Kanf ousa labouzi.
Pa bizen zot sagren;
Plant enn pie friyapen.

Knock, knock!
He’s here.
Forget rituals
And offerings.
No, no, don’t be blue!
A breadfruit tree will do.

Bliye zot bouke fler,
Lapriyer, larm senser,
Zes parfwa neseser,
Nek mazinn koze yer.
Pa bizen zot sagren;
Plant enn pie friyapen.

Forget it, forget it!
Flowers, prayers
And sorrowful tears.
Remember what was said.
No, no, don’t be blue!
A breadfruit tree will do.

Mo kone bien souvan
Mo ti soul mo bontan;
Souvan mo ti kontan
Fer kouma servolan.
Pa bizen zot sagren;
Plant enn pie friyapen.

Often, I know
I just had it fine
Dangling about
Importunately.
No, no, don’t be blue!
A breadfruit tree will do.

Mem kan mo ti fane
Mo ti kwar mo’enn serye;
Me mo nam bien kone
Kot li bizen ale.
Pa bizen zot sagren;
Plant enn pie friyapen.

Even when I erred
I thought it right
But my soul does know
Which body to inherit.
No, no, don’t be blue!
A breadfruit tree will do.

12.09.21