Tou kiksoz ena so bon, so move.
Nou bizen aprann swazir pozitif
E met dan enn kwen seki negatif.
Ena seki bon mem dan so move.
Teknolozi donn nou boukou lasans
Me malerezman ena move ‘si.
Enternet kapav devlop konesans
E innyorans ‘si, si mal servi li.
Kan viv lot manier, nou servi lespri
Pou ogmant biennet, pa zis pans profi;
Servi enternet pou ogmant lafors
Solidarite ek alim nou tors;
Konfor pa vedir viv dan bwat koton
Si nou konn separ kreson ek lastron.
27.10.21