ENN SONET POU DR. JUGATPAL

“Nou pa avoy ros lor pie ki touni
Me nou tap kout ros lor bann pie garni
Ar bann zoli fri ki nouri lespri.”
Sa zoli proverb ki later Kreol
Finn donn nou kado pa’nn rant dan lekol.
Akoz samem, Bhay, Tilespri Primer,
Gran Sef Palabrer, exper fann rimer
Gagn nisa apar vomi zot egrer.

Pa les bann nenport angourdi lespri,
Paraliz aksion pou anpes zordi
Ek dime kone kot laverite.
Gran mazorite pe bien apresie
Zoli travay ki ou ek ou koleg
Ti, finn, pe, pou fer. Non! Nou pa aveg!

“We don’t hurl stones at a bare tree
But at one full of fleshy fruit,
Body-and-Soul-nourishing food.”
Our Creole land thus teaches us
What our schools do deny us.
This is why, brother, nitwits
Gossip-prone and rumour-mongers
Ejaculate their bitterness.

Don’t let cretins poison our lives,
Thwart action to prevent the-now-
and-ever know where the truth lies.
Good people do appreciate
The good job which is being done.
Blinded folly will never see!

 

 

Leave a Reply

Your email address will not be published.

This site uses Akismet to reduce spam. Learn how your comment data is processed.